BLE elkartea
a) Aurkezpen orokorra
Biharko Lurraren Elkartea 1993-an sortu da Donapeleun. Garaian, ipar Euskal Herrian bi laborari biologiko baizik ez ziren. Gainera, kontseilari teknikoak Paueko laborantza ganbarakoak ziren eta honek ez zuenez bio saila lantzen, aski zaila zen biologikoki lan egitea. Beraz, teknika biologikoak landu nahi zituen 20 bat laborariko taldea osatu zen, besteak beste, laborantza autonomo eta ekonomo baten garatzeko. Gogoetatu ondotik, BLE elkartea sortu zuten elgarrekin formatzeko, ikastaldiak eta ikerketa batzuk eginez.
Emeki-emeki, kide kopurua emendatzen joan da eta langile baten beharra agertu da, orduan 1996-an lehen langilea hartu dute postu erdiz.
Berantago, 1998 urtetik 2003 urtera Frantziak sail biologikoaren garatzeko politika eraman du eta horri esker 2000-tik 2003-ra konbertsio ainitz izan dira laborantza konbentsionaletik biologikora.
Ondorioz, eskaria emendatu arau, BLE elkartea garatu da eta gaur egun 4 langile eta 150 kide ditu (teknika biologikoak erabiltzen dituzten laborari konbentzional eta laborari biologikoekin) eta Arrapitz federazioan da. Gainera, bere lanari esker, 70 laborari biologiko dira ipar Euskal Herrian.
B.L.E.-ren proiektuaren oinarriak:
Ø B.L.E.-k Euskal Herrian Labobantxa Biologikoa eta laborantxa autonomo eta ekonomoa independenteki garatzeko lan egiten du. Gure lurraldearen egiazko garapen iraunkorraren motorea den laborantxa EKOLOGIKOAREN PROIEKTUA lantzen du.
Ø Laborari bakoitza bere etxaltearen teknikalari da, B.L.E.-k laborari(x)en erabakitze autonomiarentzat erreferentziak animatzen, formatzen eta xerkatzen ditu.
B.L.E. lur-erreferentzia arloan kokatzen da, datuak etengabe etxalteen errealitate
Ø tekniko, ekonomiko eta sozialarekin erkatuz.
Ø Talde lana pribilegiatua da, entsegu desberdinen trukatzea, praktiken eta jakintzen hedatzea errexten baitu eta parte hartzaileek hobeki ikasten baitute.
Ø B.L.E.-k laborantxa orokorki so egiten du, lurretik mahainera : produktuaren kalitatea sare osoan zehar lortzen da, hautu bakoitzak, praktika bakoitzak beste batzuengain eragina du, eta bere ingurumenean ondorioak ditu.
Ø B.L.E.-k Laborantxa Biologikoa laborantxa molde eta kalitate ikur ofizial bezala ezagutarazteko lan egiten du. Laborariak haien proiektu ekonomikoetan laguntzen ditu hurbileko zirkuituak pribilegiatuz (ekoizle / kontsumitzaile erlazio zuzena).
b) Elkarteak eskaintzen dituen zerbitzuak:
BLE elkarteak Euskal Herrian laborantza biologikoa garatu nahi du, laborantza iraunkorra, ekologikoa, autonomoa eta ekonomoa bultzatuz. Helburu horren lortzeko, ordaintzen duten partaidetzaren truke, bere kideer hainbat zerbitzu eskaintzen dizkie : ikastaldiak ; hazkuntzen, baratzeen eta mahastien segipena ; konbertsioak ; salmenta laguntzen du eta babes sindikala segurtatzen du.
Lehen lehenik, elkarteak bere kideentzat teknika biologikoer buruzko ikastaldiak antolatzen ditu BLE-ko langileekin edo kanpoko animatzaileekin. Hala ere, helburuetariko bat laborarien arteko komunikazioa da.
Ondotik, laborariek teknika horiek haien etxalteetan, mahastietan edo baratzeetan esperimentatzen dituzte eta BLE-ko langileek laborariak segitzen dituzte, laguntza teknikoa ekarriz, baina beti ber ideiarekin : laborariak teknikak ikas ditzan, ondotik autonomoa izaiteko.
Bestalde, elkarte honek laborariak laborantza konbentzionaletik biologikora iragaiten laguntzen ditu : laborariak aholkatzen eta segitzen ditu, baita dozieren egiten laguntzen ere. Horrezgain, langile batek ekoizpenak biologikoki saltzeko merkatuak xerkatzen ditu, ekoizleek ez dituztelako beti bio produktuak bezala satzen ahal, erran nahi baitu produktu konbentzionalen (ez biologikoen) prezioan eta baldintzetan saltzen dituztela. Beraz feira eta saloin desberdinetan ibiltzen da, hego Euskal Herriko eta Frantziako elkarte biologikoekin harremanetan da…
Azkenik, BLE elkarteak ekoizle biologikoen babes sindikala segurtatzen du, haien ekoizpenak baloratuak eta errespetatuak izan daitezen. Adibidez, 2009-an aterako den bio legediaren aurka aterabideak bilatzen ditu, gaur egungoa baino malguagoa baita, beraz industrialen alde baita eta laborantza biologikoaren oinarrizko lege batzuk ahanzten baititu.
|
Nos partenaires: 
|
B.L.E est née en 1993, à l'initiative d'un groupe de paysans d'Iparralde qui souhaitaient travailler ensemble pour le développement d'une agriculture biologique, autonome et économe, en Pays Basque, pour s'opposer aussi au modèle productiviste proné par le développement agricole conventionnel.
La détermination de ce groupe aboutit à ce qu'est notre association aujourd'hui: elle regroupe 150 adhérents, en très grande majorité paysannes et paysans, et propose, par l'animation menée par ses 5 salariés, un ensemble de travaux de formations, d'expérimentations, de diffusion technique et de savoir faire, d'organisation d'évènements et de rencontres, concourant à développer une agriculture biologique et durable à taille humaine, ancrée et adaptée à nos terroirs. L'esprit qui prévaut est depuis le début de favoriser le travail en groupe et l'ouverture vers l'extérieur, vers le monde agricole conventionnel, vers les citoyens, vers les consommateurs, sur des sujets concrets et quotidiens. L'association participe activement à la vie de plusieurs réseaux locaux ou régionaux oeuvrant pour ce renouveau du développement rural: la fédération Arrapitz, ici en Iparralde, la fédération Bio d'Aquitaine, et nos partenaires Ekonekazaritza et Biolur Nafarra en Euskadi et Navarre. Vous souhaitez rencontrer des paysans engagés en bio ou mettant en oeuvre des pratiques durables sur leur ferme ? Vous souhaitez avoir des renseignements techniques, connaître l'agriculture biologique et sa richesse, vous mettre en contacts avec les opérateurs locaux ? Vous voudriez en savoir plus sur les semences de pays, le maraîchage bio, la construction de la qualité d'un produit du sol à la table ? N'hésitez pas, rejoignez-nous: paysans, citoyens, même combat
|
d)Finantzamenduak eta garapen sailak
Zerbitzu guzi horien finantzatzeko laborarien partadeitza ez denez aski, B.L.E.-k proiektu berri bakoitzarentzat txostenak egin behar ditu, Kontseilu Orokorraren, Eskualdeko Kontseiluaren, Europear Batasunaren, baita VIVEA eta ADEFPO bezalako egituren diru laguntzak ere lortzeko.
Bestaldetik, B.L.E. garapen sare batzuetan sartua da, informazioak errexkiago trukatzeko, hots, hobeki komunikatzeko :
- Ipar Euskal Herriko 13 egitura biltzen dituen Arrapitz federazioan da. Elkarte horiek barnatzen dituzten gaiak lotuak direnez usu elgarrekin lan egiten dute, bakoitzak ahal duena ekarriz. Konkretuki, AFOG-ak laborariak konduen egiten laguntzen ditu, adibidez, diru laguntzen ukaiteko laborariek erabiltzen duten onkailu kimiko eta natural kopurua kalkulatu behar dute, eta ohartu dira onkailu sobera erabiltzen dutela. Orduan, B.L.E. deitu dute eta horrek onkailuen erabilpenari buruzko ikastaldia egin du. Arrapitzen bidez lotzeak beste abantail batzuk ere ekartzen ditu, alegia, 3 egitura, AFOG-a, B.L.E. eta Euskal Herriko Etxe Ekoizleen Elkarteen bulegoak ber etxean kokatuak dira.
- « Bio d’Aquitaine » federazioan da, Akitaniako beste bio elkarteekin harremanetan izaiteko. Ekitaldi batzuk elgarrekin antolatzen dituzte, besteak beste, Arto Biltzaileen besta.
Beti ber helburuarekin, Hego Euskal Herriko Ekonekazaritza eta Biolur Nafarra egiturekin ere harremanetan da.
e)Lanaren banaketa urtean zehar
Urte osoan zehar proiektuak lantzen dituzte eta babes sindikala segurtatzen dute. Hala ere konbertsio proiektuetan otsailatik maiatzera lan gehiago bada, laguntzen ukaiteko txostenak maiatzeko itzuli behar direlako. Promozio lana aldiz, guti gorabehera martxotik azarora egiten da ekitaldietan: « Pestizidarik gabeko astea » martxoan, « Bioterra » ekainan, « Asunak » irailan, « Lurrama azaroan »…
Lan teknikoa ordea, urte osoan egiten da, baina lan desberdinak egiten dira urtaroen arabera :
|
Qui sommes-nous?